Video - Sholay:Jay with Mausi

Mera Toh Dil Hi Kuch Aisa Hai ....



Mausi: Arre beta, bas itna samaz lo ke ghar me jawaan beti seene par pathhar ke sil ki tarah hoti hai. Basanti ka byaah ho jaaye to chein ki saans loo.

Jay: Haa sach kaha mausi aapne. Bada bojh hai aap par.



Mausi: Lekin beta, is bojh ko koi kunwe me to phaik nahi deta. Bura nahi maannaa , itna to poochhna hi padtaa hai ke ladke kaa khaandaan kyaa hai uske lachhchhan kaise hai, kamaataa kitnaa hai?



Jay: Kamaane ka to ye hai mausi,..,ke ek baar biwi bachhon ki jimmedaari sar pe aa gayi to .. kamaane bhi lagegaa.



Mausi: To kya abhi kuchh bhi nahi kamaataa?



Jay: Nahi nahi ye maine kba kahaa mausi, kamaataa hai lekin,... ab roj roj to aadmi jeet nahi sakataa na. .. kabhi haar bhi jaataa hai bechaaraa?



Mausi: Haar jaata hai?



Jay: Haan mausi ab ye kambakht juwaa cheej hi aisi hai ab mai kyaa kahoon?



Mausi: heynnnn. to kya juwaari hai?



Jay: chhi chhi chhi chhi mausi, woh aur juwaari na na. woh to bahot hi achchha aur nek ladka hai.Lekin mausi, ek baar sharaab pi li na phir, achchhe bure ka kahaa hosh rahataa hai. Haath pakad ke bitha liyaa kisi ne juwaa khelane. ab isme bechare Veeru ka kya dosh?



Mausi: Thik kahate ho beta. juwaari woh sharaabi woh lekin, uska koi dosh nahi.



Jay: Mausi aap to mere dost ko galat samaz rahi hai. woh to itanaa seedha aur bhola hai. aare basanti se uski shaadi karke to dekhiye, ye juwe aur sharaab ki aadat to do din me chhoot jaayegi.



Mausi: Arre beta, mujh budhiyaa ko samaza rahe ho. ye sharaab aur juwe ki aadat kisi ki chhooti hai aaj tak.



Jay: Mausi aap Veeru ko nahi jaanati , wishwaas kijiye wo is tarah kaa insaan nahi hai. Ek baar shaadi ho gayi to woh us gaane-waali ke ghar jaanaa band kar degaa. bas, sharaab apne aap chhoot jaayegi.



Mausi: Hi hi, bas yehi ek kami raha gayi thi. Toh kya kisi gaane-waali ke ghar bhi aanaa jaanaa hai?



Jay: Toh isme kaunsi buri baat hai mausi. arre , gaana soonane to raajaa - mahaaraajaa unche unche khaandaan ke log jaate hai, haan.



Mausi: Achchha ! to beta ye bhi bataate jaao ki tumhare yeh gunwaan dost kis khaandaan ke hai?



Jay: Bas mausi, khaandaan ka pataa chalate hi ham aap ko khabar de denge.



Mausi: Ek baat ki daad doongi beta. bhale sau buraaEyaa hai tumhare dost me ,phir bhi tumhare munh se us ke liye taareefe hi nikalti hai.



Jay: A kya karoo mausi.. mera toh dil hi kuchh aisa hai.(pause)...

Toh.. mai ye rishtaa pakkaa samazoo?



Mausi: Pakkaa? . bhale saari jindagi ladaki kuwaari baithi rahe. Lekin mai aise aadami se Basanti ko nahi byaahanewaali. Sagi mausi hoon. Ki sautelee maa nahi.



Jay: Ajeeb baat hai.. Mere itne samazaane par bhi aap ne inkaar kar diyaa.. Bechaaraa Veeru... naa jaane kya karega?